Қарағанды облыстық ардагерлер кеңесі төрағасының құттықтауы
Ардақты ардагерлер!
«Ардагерлер ұйымы» республикалық қоғамдық бірлестігінің облыстық кеңесі Ұлы Отан соғысының қатысушылары мен мүгедектерін, жеңілдіктер бойынша оларға теңестірілген азаматтарды, соғыс жылдарындағы тыл еңбеккерлерін, Ленинград құрсауында қалғандарды, концлагерьлер тұтқындарын, қан майданда қаза болған және қайтыс болған жауынгерлердің жесірлерін фашистік Германиямен соғыстағы Жеңістің 79 жылдығымен шын жүректен құттықтайды.
Сол бір сұрапыл жылдары Қызыл Армияның әрбір жауынгері қасық қаны қалғанша Отанын қорғады. Жеңіске жетуге фабрика, заводтарда, Қарағандының жерасты шахталарында, егістік алқаптар мен мал фермаларында күндіз-түн демей жанқиярлықпен еңбек еткен тыл еңбеккерлері үлкен үлес қосты.
Біз сіздердің жауынгерлік және еңбектегі ерліктеріңізді мақтан тұтамыз.
Мереке құтты болсын! Сіздерге зор денсаулық, қажымас қайрат тілейміз.
Оралды ТӨРЕҒОЖИН,
облыстық ардагерлер кеңесінің төрағасы.