Қарағанды кеншілері – біздің заманымыздың нағыз қаһармандары
Құрметті жерлестер, қадірлі кеншілер қауымы!
Сіздерді келіп жеткен Кеншілер күнімен шын жүректен құттықтаймыз. Бүгін біз еңбегімен еліміздің дамуына елеулі үлес қосып жүрген кеншілер қауымына алғысымызды білдіреміз. Тау-кен өндіру саласы Қарағанды өңірінің экономикасында ерекше орын алады. Әр кезеңнің артында – геологиялық барлаудан бастап қайта өңдеуге дейін өз өмірін кенші мамандығына арнаған азаматтардың еңбегі, кәсібилігі мен қажыр-қайраты тұр. Бұл жұмыс тек жоғары біліктілікті ғана емес, сонымен қатар төзімділікті, темір тәртіп пен мамандыққа деген шынайы сүйіспеншілікті қажет етеді.
Қарағанды облысының кеншілері – біздің заманымыздың нағыз қаһармандары. Бұл жаңа технологияларды игеруге, оларды үйренуге, өз білімі мен тәжірибесін жас ұрпаққа беруге дайын өз ісінің нағыз шеберлері. Аймағымызда бұл салада еңбек әулеттері қалыптасып, осы салада еңбек ету әкеден балаға, атадан немереге мұра болып келеді. Мұндай сабақтастық кенші еңбегіне деген шынайы құрметтен туғаны даусыз.
Біз көмір және тау-кен өнеркәсібінде еңбек етіп жүрген барлық азаматтарды кәсіби мерекелерімен құттықтай отырып, сіздерге төзімділіктеріңіз бен мамандыққа берілгендіктеріңіз үшін алғыс айтамыз. Денсаулықтарыңыз мықты болып, шаңырақтарыңыздан шаттық пен бақ-береке кетпесін!
Мереке құтты болсын!
Е.Бөлекпаев,
Қарағанды облысының әкімі
Н.Кобжанов,
Қарағанды облыстық мәслихатының төрағасы
