«Қарағанды көктемі» республикалық фестивалі өтеді
Қарағанды қаласы әкімдігінің қолдауымен «Қарағанды көктемі» республикалық фестивалі өтеді. Бірнеше жылдан бері дәстүрге айналған поэзия фестивалі биыл проза жанрына арналып отыр.
10-11 сәуір күндері өтетін республикалық ұлттық проза фестиваліне Өмір Кәріпұлы, Асқар Алтай, Әлия Бөпежанова, Айгүл Кемелбаева, Төрехан Майбас, Думан Рамазан, Кенжебай Ахметов, Дидар Амантай, Нұржан Қуантайұлы, Мәдина Омарава, Серік Сағынтай, Есболат Айдабосын, Өміржан Әбдіхалықұлы, Ұларбек Нұрғалым, Қанат Әбілқайыр, Жадыра Шамұратова, Мирас Мұқаш, Алмаз Мырзахмет сынды есім-сойлары елге белгілі жазушылар қатысады деп жоспарланып отыр.
Фестиваль аясында «Қазіргі қазақ прозасының даму үдерісі мен келешегі» атты дөңгелек үстел, жазушылардың оқырмандармен кездесулері ұйымдастырылмақ.
Ілияс ДҮНГЕНБАЙҰЛЫ.
