Қарағанды хайуанаттар бағы жаңа ғимаратқа көшті

Қоныс тойы Дүниежүзілік жануарларды қорғау күні қарсаңында ұйымдастырылып, жаңа ғимараттың ашылу салтанатына орай  үлкен мерекелік бағдарлама дайындалды.

85 жылдық мерейтойы қарсаңында жаңа үш қабатты ғимаратқа қоныстанып отырған хайуанаттар бағында жедел саты, таза және жарық  бөлмелер, дивандар мен кітап сөрелері бар демалыс аралдары да қарастырылған.

Келушілер үшін тегін интернет те пайда болмақ.

– Соңғы уақытта бізде үлкен өзгерістер болған жоқ. Облыс әкімдігінің тікелей қолдауының арқасында жол картасы бойынша қаражат бөлінді. Ұзақ өзгерістер мен жөндеу жұмыстарынан кейін біз 3 мың шаршы метрге арналған тамаша әкімшілік-тұрмыстық кешенге көшіп отырмыз. Бірінші қабатта жануарлардың төрт түрі орналасады: приматтар, ірі және ұсақ жыртқыштар, құстар. Екінші қабат аквариум залы мен қосмекенділер мен бауырымен жорғалаушылар бөліміне арналған. Енді біз Новосибирск, Беларусь және Алматы хайуанаттар бағымен, жеке менеджерлермен жаңа жануарлар алу туралы келіссөздер жүргіземіз, – дейді хайуанаттар бағының директоры Гүлнар Адамбекова.  

Ілияс ДҮНГЕНБАЙҰЛЫ