Қарағанды қаласының әкімі мен қалалық мәслихат төрағасының құттықтауы

Асыл аналар, аяулы арулар!

Осы көктем мерекесінде біз, ер-азаматтар, бізге күн сайын көрсетіп отырған қамқорлықтарыңыз бен қолдауларыңыз, жылулық көрсеткендеріңіз үшін тағы да шынайы алғысымызды білдіруге мүмкіндік алдық.

Біздің аяулы аналары­мыз, жарларымыз, әжелеріміз, апа­­ларымыз, қыз­­дарымыз, Сіз­дердің ар­қаларыңызда мәң­гілік құндылықтар – махаббат пен отбасы мызғымайды.

«Әйел – қырық шырақты» демекші, Жарату­шы Иеміз Сіздердің тау­сыл­майтын бой­лары­ңызға шыдамдылық, жү­рек­теріңізге даналық жә­не бекем сенімділік құйған.

Әйел жаны қанша нәзік болса да, қоғамдағы ең қиын мәселелерді қалай оңай шешетіні және жалғыз өзі небір ауқымды шараны шебер ұйымдастыратыны бізді таң қалдырады.

Әр адам мамандығына қалай адал болуды, елдің ертеңі үшін аянбай тер төгуді, адал еңбек арқылы табысқа жетуді және түк болмағандай күліп-ойнап жүруді сіздерден үйренсе ғой, шіркін!

Шын жүрегіммен Сіздердің отбасыңызда сүйікті және ұжымда сыйлы, ел ішінде еңселі болуларыңызға тілектеспін!

Достарыңыз Сіздерді төбесіне көтерсін, аңсаған арман-тілектеріңіз орындалып, биік белестерді бағындыра бергейсіздер!

Сіздер біздің өмірі­міздің мәні мен сәнісіздер! Біз үшін үнемі нұр шашқан көктемдей өміріміздің хош иісті гүлі болып қаласыздар!

Мейрамдарыңыз құтты, денсаулықтарыңыз мықты болсын!

Мейрам КОЖУХОВ,
Қарағанды қаласының әкімі.

Алтынтөре БУКЕНОВ,
қалалық мәслихаттың төрағасы.