Ұлытау облысында антикор қызметкері жұмысынан қуылды
Жезқазған өңірі бойынша сыбайлас жемқорлыққа қарсы іс-қимыл жөніндегі ауданаралық басқарманың аға офицері мас күйінде көлік апатына түскен. Оқиға орынынан полиция қызметкерлерінен жасырыну үшін қашпақ болған.
– Қызметтік тексеріс жүргізілді. Барлық дерек расталды. Қызметтік тексеру қорытындысы бойынша комиссия құрылды. Ол теріс себептермен Сыбайлас жемқорлыққа қарсы қызмет органдарынан босатылды, – деді Қарағанды облыстық Сыбайлас жемқорлыққа қарсы күрес департаментінің басшысы Мұрат Түлеубаев.
Естеріңізге сала кетейік, былтыр ақпанда әлеуметтік желілерде полицейлердің күдікті қылмыскерді қудалауы мен оның ұсталған сәті түсірілген бейнежазбалар тараған болатын. Бейнежазба сипаттамасында кейіпкер Сыбайлас жемқорлыққа қарсы қызметтің жезқазғандық (ол кезде қала Қарағанды облысына қарайтын) қызметкері болуы мүмкін екені айтылған. Кейін бұл ақпарат ресми түрде расталды.
ortalyq.kz
