Антикор азаматтарға арналған WhatsApp чат-ботын іске қосты
ҚР Сыбайлас жемқорлыққа қарсы іс-қимыл агенттігі Антикор 1424 WhatsApp чат-ботын іске қосты. Енді әрбір азамат сыбайлас жемқорлық фактілері туралы хабарлай алады немесе WhatsApp мессенджері арқылы сыбайлас жемқорлыққа қарсы іс-қимыл мәселелері бойынша кеңес ала алады. Бұл үшін 8-777-000-14-24 нөміріне хабар жіберсеңіз жеткілікті.
Антикор 1424 WhatsApp чат боты арқылы не істеуге болады:
– сыбайлас жемқорлық фактілері туралы хабарлау;
– сыбайлас жемқорлыққа қарсы іс-қимыл мәселелері бойынша кеңес алу.
Сыбайлас жемқорлық құқық бұзушылықтары туралы шынайы ақпарат бергені үшін 15,7 млн теңгеге дейін сыйақы беру қарастырылған.
Барлық хабарлар міндетті түрде қаралады. Құқық бұзушылықтар анықталған жағдайда қолданыстағы заңнамаға сәйкес шаралар қабылданатын болады.
Алайда сыбайлас жемқорлық туралы көрінеу жалған хабарлау қылмыстық жауапкершілікке әкеп соғады.
ҚР Сыбайлас жемқорлыққа қарсы іс-қимыл агенттігі
