Алдағы уақытта грант иегері атанғандардың барлығы шәкіртақы алмауы мүмкін

Ғылым және жоғары білім министрі Саясат Нұрбек білім гранттарын бөлудің жаңа механизмін таныстырды. Оған сәйкес түлектер ҰБТ-да жинаған балына қарай оқу ақысына жеңілдік алады. Министрлік ұсынысына қарай гранттарды үш санатқа бөлген, деп хабарлайды ortalyq.kz stan.kz сайтына сілтеме жасап.

Біріншісі «Қамқор» деп аталады. Мұнда ҰБТ-да 50-ден 74 баллға дейін жинағандар өтініш бере алады. Сәйкесінше түлек оқу ақысына 30-дан 50%-ға дейінгі жеңілдік алады

Келесі «Негізгі» пакет. Мұнда 74- 120 балға дейінгілер өтініш қалдыра алады. Мұнда оқу ақысының 100% мемлекет тарапынан төленеді.

Тестілеуден 120 балл жинаған түлектерге жоғары «Дарын» гранты берілмек. Дегенмен бұл грантты ұтуға тек қана ҰБТ баллы емес, сонымен қатар республикалық, халықаралық олимпиадалар мен жарыстардағы жетістіктері ескерілетін болады.