Алдағы демалыс күндері ауа райы қандай болады?

Қазгидромет синоптиктері 14-16 қыркүйек аралығына арналған үш күндік ауа райы болжамын жариялады.

Демалыс күндері әлі де ауқымды антициклон Қазақстан аумағының көп бөлігін қамтиды, сол себептен жауын-шашынсыз ауа райы сақталады.

Тек елдің солтүстігінде, шығысында және орталығында атмосфералық фронттардың әсерінен жаңбыр жауады: республиканың шығысында түнгі уақытта жауынның соңы қарға ұласуы мүмкін. 

Республика бойынша жел күшейеді.

Түнгі және таңертеңгі сағатта елдің солтүстігінде, солтүстік-батысында және шығысында тұман түседі. 

16 қыркүйекте топырақ бетінде 2 градусқа дейін үсік жүреді.

Сондай-ақ синоптиктер республиканың әр өңірінде күндіз қандай ауа температурасы күтілетінін айтты: республиканың батысында +20+30°С, солтүстік-батысында +12+25°С, шығысында +5+18°С, оңтүстігінде +23+32°С, елдің солтүстігінде және орталығында +15+23°С-тан +10+18°С, оңтүстік-шығысында +10+23°С-тан +15+27°С-қа дейін көтеріледі.

Материалды әзірлеген Аида РАХЫМҚҰЛОВА