Алаяқтар айыппұл туралы жалған хабарлама таратуды бастады

Қазір кейбір алаяқтар жол ережесін бұзғаныңыз туралы жалған әкімшілік қаулыларды электронды хаттар мен мессенджерлер арқылы таратуда. Онда сіздің аты-жөніңіз, көлік нөміріңіз көрсетіліп, “айыппұлды төлеңіз” деген сілтеме беріледі.

Бірақ мұндай хабарламалар  –  фишинг схемасы. Егер сілтемеге өтіп, банктік картаңыздың деректерін енгізсеңіз, қаскүнемдер сіздің есепшоттарыңызға қол жеткізіп, қаражатыңызды алып қоюы мүмкін. Кейбір сілтемелер құрылғыға зиянды бағдарламаларды жүктеп, жеке деректерді ұрлауға бағытталған.

Полиция ескертеді:

• Ресми айыппұл туралы хабарламалар тек 1414 қысқа нөмірінен келеді.
• Мұндай хабарламаларда ешқандай сілтеме болмайды.
• Айыппұл жағдайын тек kz порталы немесе банк қосымшалары арқылы тексеріңіз.

Егер сізге 1414 нөмірінен айыппұл туралы хабарлама келіп, сол хабарламада төлемге арналған сілтеме көрсетілсе  –  оған өтпеңіз! Бұл  –  алаяқтыққа ұмтылыс.

Жамал АКПАРОВА