Алғашқы болып дауыс берді

Ақтоғай ауданы Шашубай кентінің тұрғыны Сералы Нұрланұлы алғашқы болып дауыс берді. 

Таңмен таласа №474 сайлау учаскесіне келген ол Президент реформасына сәйкес халықтың әкімді сайлауда өздері таңдау маңызды екендігін жеткізді.

Кент тұрғынының айтуынша, мұнда ол учаске ашылмай тұрып келген.  

– Сайлауда өз дауысымды беруді азаматтық міндетім деп білемін. Сол әдетім бойынша биыл да ерте келдім. Бірінші болып дауыс беру үшін ерте тұрып, сағат 06:00-ден бері учаскенің ашылуын күттім. Ауданымыздың болашағын айқындайтын үлкен саяси науқанға алғашқы болып үлес қосқым келді, – деді Сералы Нұрланұлы.

Нұрдос КӘРІМ. 

АҚТОҒАЙ ауданы.