Академик Евней Бөкетовтың 100 жылдығына арналған коллекциялық монеталар айналымға шықты

Қазақстан Ұлттық банкі көрнекті ғалым-химик, академик Евней Бөкетовтың туғанына 100 жыл толуына орай коллекциялық монеталарды айналымға шығарды. Бүгінде оның есімі Қарағанды ұлттық зерттеу университетіне берілген.

Жаңа монеталар «Елеулі оқиғалар мен тұлғалар» сериясы аясында дайындалды. Номиналы – 200 теңге, жалпы тиражы – 5000 дана. 22 қыркүйектен бастап монеталарды Ұлттық банктің интернет-дүкені арқылы сатып алуға болады.

Дизайнында ғалымның портреті бейнеленген. Монета мельхиор қорытпасынан (МН 25) жасалған, салмағы – 15 грамм, диаметрі – 33 мм. Жасалу сапасы – brilliant uncirculated.

Аида РАХЫМҚҰЛОВА