Аймақта жүк пойызы вагондарының бірі рельстен шығып кетті

1 ақпан күні сағат 15:30-да Қарағанды-Сортировка стансасында жүк пойызы вагондарының бірі рельстен шығып кетті, деп хабарлайды ortalyq.kz «Қазақстан темір жолы» ҰК» акционерлік қоғамының баспасөз қызметіне сілтеме жасап.

Баспасөз қызметінің мәліметінше, болған оқиғадан ешкім зардап шекпеген.

Болжам бойынша, вагонның бір шетіндегі рамасы сынған болуы мүмкін. Вагон өзбекстандық компанияға тиесілі.

Ілияс ДҮНГЕНБАЙҰЛЫ.