Аймақта соңғы екі тәулікте 7 мас жүргізуші ұсталды

Ішкі істер министрі жариялаған «Құқық бұзушылықтың алдын алу жылы» аясында Қарағанды облысында «Қауіпсіз жол» республикалық жедел-профилактикалық іс-шарасы өтуде. Шараның екі күнінде облыс полицейлері 1 560 құқық бұзушылықты анықтап, көлік құралын мас күйінде басқарған 7 жүргізушіні ұстады.

Полицейлер тек көліктерді тексеріп қана қоймай, аймақ тас жолдарының жол жамылғысының жай-күйіне де тексеріс жүргізді . Жол техникалық инспекциясы бөлімінің қызметкерлері жалпы пайдаланымдағы автомобиль жолдарына және елді мекендердің көше-жол желілеріне 51 кешенді зерттеу жасады. Жергілікті атқарушы органдар мен мердігер ұйымдарға 37 ескерту жасалып, жолдарды күтіп ұстау ережелерін бұзған 24 мердігер ұйымға айыппұл салынды.

Ілияс ДҮНГЕНБАЙҰЛЫ.