Аймақта дәрі-дәрмектерді таңбалау мәселесі талқыланды
1 шілдеден бастап Қазақстанда дәрілік заттарды міндетті таңбалау және қадағалау жүйесі жүргізіле бастайды. Облыс әкімінің орынбасары Ораз Тәуірбеков таңбалау мен қадағалау жүйесі туралы кеңес отырысында айтып берді, деп хабарлайды Ortalyq.kz облыс әкімдігінің сайтына сілтеме жасап.
Таңбалау дәрі-дәрмектің өндірістен сатып алушыға дейінгі жолын бақылауға мүмкіндік береді, заңсыз айналымның, соның ішінде жалған өнімдердің алдын алуға көмектеседі. Ал тұтынушы медициналық препараттардың түпнұсқалығын тексере алады.
Өңірде жүйені енгізу туралы ҚР ДСМ Медициналық және фармацевтикалық бақылау комитетінің Қарағанды облысы бойынша департаментінің басшысы Ольга Смирнова айтып берді. Ол жеткізушілер мен дәріханалардың өзара әрекеттесуіндегі проблемаларды атап өтті. Атап айтқанда, бұл жеткізу мен құжаттарды рәсімдеу арасындағы мерзімдерді сақтау.
Сондай-ақ, жиналыста дәріхана қоймаларының ЖРВИ, тұмау және коронавирус ауруларының маусымдық өсуіне дайындығы туралы айтылды. Мониторингке сәйкес, аймақта дәрі-дәрмектер мен медициналық өнімдердің қоры жеткілікті. Маусымдық дәрі-дәрмектерге сұраныстың шамалы өсуі байқалады, бірақ ешқандай шу жоқ.
Кеңес соңында Ораз Тәуірбеков дәрі-дәрмек айналымы саласындағы қауіпсіздік пен ашықтықты бірлескен күш-жігермен ғана қамтамасыз етуге болатынын атап өтті.
Материалды әзірлеген Ербол ЕРБОЛАТ.
