Аймақ полицейлері ірі есірткі тасымалдаушыларын ұстады
Қарағанды-Астана тас жолында 13 қап марихуана тасымалдап келе жатқан Жамбыл облысының екі тұрғыны ұсталды. Полицейлер олардан салмағы 266 келіден асатын кептірілген марихуана тәркілеген. Бұл туралы Қарағанды облысы полиция департаментінің баспасөз қызметі хабарлады.
– Қарағанды-Астана тас жолында полицейлер 38 жастағы Жамбыл облысының тұрғыны басқарған «Ауди А6» көлігін тоқтатты. Көлік ішінде сол өңірде тұратын жолаушы да болған. Автокөлікті тексеру барысында полицейлер артқы орындық пен жүксалғыштан 13 қап өсімдік тектес затты тауып, тәркіледі. Сараптама қорытындысына сәйкес тәркіленген зат жалпы салмағы 266 келіден асатын кептірілген марихуана болып шықты, – делінген полиция хабарламасында.
Қазіргі таңда қылмыстық іс қозғалып, ұсталғандарға қатысты қамауға алу түріндегі бұлтартпау шарасы таңдалды.
Ілияс ДҮНГЕНБАЙҰЛЫ.
