Аймақ басшысы жеке қабылдау өткізді
Қарағанды облысының әкімі Ермағанбет Бөлекпаевтың жеке қабылдауында тұрғындар су құбырын салу, жолдарды жөндеу және ТКШ-ның басқа да мәселелерін көтерді.
Кездесу дәстүрлі түрде мемлекеттік және сервистік қызметтер орталығында өтті.
Аймақ басшысы онлайн және офлайн форматта сұрақтарға жауап берді, шағымдар мен өтініштерді қарады.
Сұрыптаудағы Жұмысшы кентінің тұрғыны Гүлзира Сағындық кездесуде бірқатар мәселелерді айтты. Белсенді ащаматша кентте орталық су құбырын, жаңа трансформатор пунктін салуды және жергілікті мектепте шағын орталық ашуды сұрайды.
– Бізде 4 мыңға жуық адам тұрады, кентімізді сапалы сумен қамту қажет. Сондай-ақ, көшелерді сапалы жарықтандыру жүйесін орнатып, асфальт төсеуін сұраймыз. Облыс әкімі мәселелерді біртіндеп шешуге уәде берді. Келесі жылы су құбыры, содан кейін кәріз және жолдарды асфальттау басталады деп үміттенеміз. Ал жаңа КТП бізге 2026 жылға қарай орнатылады деп уәде берді, – деді Гүлзира Сағындық.
Сондай-ақ, кездесуде әлеуметтік қамсыздандыру, бизнеске жәрдемдесу мәселелері көтерілді.
Өңір басшысы бейінді ведомстволардың басшыларымен бірге жергілікті тұрғындардың мәселелерін шешуге тырысты. Қосымша қарастыруды қажет ететіндер бақылауға алынды.
Материалды әзірлеген Аида РАХЫМҚҰЛОВА
