Аймақ басшысы құтқарушылардың жағдайын біліп қайтты

Қарқаралыдағы өрт сөнді. Жағдай тұрақталып келеді. Дала өртін сөндіру барысында жарақат алған құтқарушылардың жағдайы болса, бірқалыпты. Қазіргі таңда ауруханада ем қабылдап жатыр. Аймақ басшысы Ермағанбет Бөлекпаев науқастардың жағдайын көріп қайту үшін арнайы ауруханаға барып қайтты.   

Өңір басшысы өз сөзінде:

П – Өрт сөндірушілерге көрсеткен табандылықтары мен қызметке адалдықтары үшін алғысымды білдіремін. Қатты, екпінді жел жұмысты қиындатып, бес құтқарушы өз өмірлерін қатерге тігуге мәжбүр болды. Олардың екеуі интенсивті терапия бөлімінде ем алуда. Дәрігерлер оларды тиісті бақылауда ұстап отыр. Өрт сөндірушілеріміздің тезірек сауығып, отбасыларына оралуларын тілеймін, – деді.

Ербол ЕРБОЛАТ,
Ortalyq.kz