Аймақ басшыларының құттықтауы
Құрметті жерлестер!
Сіздерді келе жатқан Жаңа жылмен шын жүректен құттықтаймыз!
Бұл мереке әр үйге жылылық пен қуаныш әкеліп, жүректерімізді үміт пен армандарға толтырады. Жаңа жыл – бұл жүріп өткен жолға көз тастап, болашаққа жоспар құратын уақыт. Алдағы жыл елімізге құт-береке мен молшылық әкелсін. Мемлекеттілігіміз нығайып, экономикалық әлеуетіміз арта берсін!
Биылғы жыл еліміз үшін оңай болмағанымен біз қиындықтарды ойдағыдай еңсеріп, алдымызға қойылған мақсат-міндеттерді орындай алдық. Орын алған сынақтар біздің бірлігіміз бен тұтастығымызды арттырып, ынтымақтастығымызды нығайтты.
Келе жатқан Жаңа жыл әрбір шаңыраққа бақыт, қуаныш әкелсін. Отбасыларыңызға денсаулық, амандық, табыс тілейміз.
Жаңа 2025 жыл құтты болсын!
Ермағанбет БӨЛЕКПАЕВ,
Қарағанды облысының әкімі.
Нұркен КОБЖАНОВ,
Қарағанды облыстық мәслихатының төрағасы.
