Абзал Бейсенбекұлы ҚР Қаржы вице-министрі болып тағайындалды
Қазақстан Республикасы Үкіметінің қаулысымен Абзал Бейсенбекұлы ҚР Қаржы вице-министрі қызметіне тағайындалды.
Абзал Бейсенбекұлы 1985 жылы Жамбыл облысында дүниеге келген.
М. Х. Дулати атындағы Тараз мемлекеттік университетін, Ноттингем университетін (Ұлыбритания), Тараз инновациялық-гуманитарлық университетін бітірген. Президенттік жастар кадр резервінің мүшесі.
Еңбек жолын 2007 жылы ҚР Білім және ғылым министрлігі Ғылым комитетінде бастаған.
2008-2010 жылдары – Экономика және бюджеттік жоспарлау министрлігі Әлеуметтік саланы дамыту департаменті Білім және ғылымды дамыту басқармасының сарапшысы.
2010-2011 жылдары ҚР Қаржы министрлігі Әлеуметтік салада бюджеттік бағдарламаларды жоспарлау, олардың атқарылуын талдау және іске асырылуын бағалау департаментінде жұмыс істеді.
2011-2019 жылдары – ҚР Президенті Әкімшілігінің Әлеуметтік-экономикалық мониторинг бөлімінің сарапшысы, консультанты, инспекторы, сектор меңгерушісі және бөлім меңгерушісінің орынбасары.
2019-2021 жылдары жеке және квазимемлекеттік секторда басшылық қызметтер атқарды.
2021 жылғы наурыздан бастап қазіргі уақытқа дейін ҚР Қаржы министрлігінің аппарат басшысы қызметін атқарды.