Абылайхан Жүсіпов – Азия чемпионатының күміс жүлдегері
Таиландтың Чиангмай қаласында өтіп жатқан Азия чемпионатында жерлесіміз Абылайхан Жүсіпов 71 келі салмақта Азия чемпионатының күміс жүлдегері атанды. Сонымен қатар, 57 келіге дейінгі салмақта қолғап түйістірген Оразбек Асылқұлов пен 67 келіге дейінгі салмақта жұдырықтасқан Дулат Бекбауов та күміс жүлдегер атанды.
Жерлесіміз финалда өзбекстандық қарсыласы Хавасбек Асадуллаевтан айласын асыра алмады.
Еске сала кетейік, Абылайхан 2017 жылы Ташкентте өткен Азия чемпионатының финалында 69 келі салмақта жарыс қожайыны Шахрам Гиясовқа есе жіберген болатын.
Ал, Оразбек Асылқұлов финалда өзбекстандық Миразизбек Мирзахалиловтен 0-5 есебімен жеңілді. Бокшымыз Дулат Бекбауов та өзбекстандық Мужибилло Турсуновтан жеңіліп қалды.
Айта кетейік, Дулат 2022 жылы Амман қаласындағы финалда Дулат Таиланд боксшысынан жеңіліп қалған болатын.
Осымен Тайландта өтіп жатқан байрақты бәсекеде ерлер құрамасы бір алтын және үш күміс жүлде жеңіп алды.
Материалды әзірлеген Ербол ЕРБОЛАТ.
