Абайлықтар да белсенді

Абай ауданында да Қазақстан Республикасы Парламенті Мәжілісі мен жергілікті мәслихат депутаттарының сайлауы белсенді өтуде.

Аудандық сайлау комиссиясының төрағасы Нина Сергееваның айтуынша, таңертеңгі сағат 10-00-ге дейін аудан бойынша тіркелген сайлаушылардың 6467-і, яғни 16,5 пайызы дауыс берген.

Соның ішінде Құлайғыр ауылында тұратын ең қарт сайлаушы, 102 жастағы Сәбила Орманбаева да өзі тіркелген №442 сайлау учаскесіне өз аяғымен барып, дауыс берді. Аудандағы сайлау барысын барлық деңгейдегі үміткерлердің сенімді өкілдері мен партиялар, қоғамдық бірлестіктер байқаушылары қадағалауда. Сондай-ақ, ОБСЕ өкілдері де аудандағы сайлау учаскелерін аралап, бұл саяси науқанның өту барысымен танысуда.

Ержан ИМАШ,

Абай ауданы.

Оrtalyq.kz