«Абай» шахтасында 155 кенші эвакуацияланды

“Qarmet” компаниясының мәліметінше «Абай» шахтасындағы эвакуациялау жұмыстары электр қуатының өшіп қалуына байланысты жүргізілген. Кеншілердің барлық ауысымы жер бетіне шығарылған. Хабарламада кәсіпорынның орталық диспетчерлік пунктіне сигнал 7 қараша күні кешкі сағат 20:29-да түскені айтылған.

Дереу эвакуациялау жоспары жүзеге асырылып, 155 адамдық ауысым қауіпсіз жерге шығарылды. Кәсіпорынның барлық қызметтері жедел және қабылданған операциялық алгоритмдерге сәйкес жұмыс істеді, – деп хабарлады компанияның баспасөз қызметі.

Қазіргі таңда электрмен жабдықтау қалпына келтіріліп, жағдайды тиісті қызметтер бақылауға алған.

Ілияс ДҮНГЕНБАЙҰЛЫ