Абай ауданында жоғалған балықшы алты күннен бері іздестірілуде

Төтенше жағдайлар департаменті жоғалған балықшыны іздеу жұмыстары 6 күннен бері жалғасып жатқанын хабарлады.

1960 жылы туған ер адам 20 наурыз күні Шерубай-Нұра су қоймасына балық аулауға шығып, үйіне оралмаған. Іздеу жұмыстарына төтенше жағдайлар департаментінен 10 адам, сондай-ақ олардың екі техникасы, 3 су көлігі және қашықтан басқарылатын «Гном» су асты көлігі жұмылдырылған.

Сонымен қатар, екі полиция қызметкері мен балық инспекциясының өкілі де жедел іздестіру шараларын жүргізуде.

Ілияс ДҮНГЕНБАЙҰЛЫ.