Қаңтардағы тәртіпсіздіктерге қай ел азаматтары қатысқан?

Бас прокурор Берік Асылов қаңтардағы тәртіпсіздіктер кезінде азаматтары қылмыс жасаған елдерді атады.

– Шетелдіктер де жаппай тәртіпсіздіктерге және басқа да қылмыстарға қатысты деген күдікті ретінде танылды. Олардың арасында Өзбекстан, Ресей, Қырғызстан және Тәжікстан азаматтары бар, – деді Асылов Мәжілісте сөйлеген сөзінде.

Ол ұсталғандар арасында деструктив діни ағымды ұстанатын сегіз адам бар екенін атап өтті.

Еске салайық, бүгін, 5 қаңтарда Мәжілісте бас прокурор Берік Асылов пен ішкі істер министрі Марат Ахметжанов қаңтар оқиғасына қатысты тергеудің барысы туралы есеп берді.