Теміртау ауруханаларына “АрселорМиттал” 200 концентратор сыйға тартты

“АрселорМиттал” компаниясы жалпы құны 35 миллион теңге болатын 200 концентраторды Теміртау орталық ауруханасына тапсырды. Концентраторлардың өнімділігі – минутына 5 литр таза оттегіні құрайды. Аппаратта бір құрылғыны екі науқасқа бөлу мүмкіндігі бар. Бүгінгі таңда орталық ауруханада бір уақытта 500 науқасты оттегі көзіне қосуға болады. Оттегі концентраторлары қалалық ауруханалар арасында таратылады.

– Біз бұл оттегі концентраторлары КВИ дертіне қарсы күресте өте қажет екенін түсінеміз. Біз әлеуметтік-жауапты компания ретінде қала мен дәрігерлерге көмектескіміз келеді, – деді “АрселорМиттал Теміртау” АҚ атқарушы директоры Вадим Басин.

Қарағанды облысының әкімі Жеңіс Қасымбек өңірдегі эпидемиологиялық ахуал бүгінгі күні тұрақты екенін атап өтті.

– Облыста 44 инфекциялық госпиталь ашылды. Олардың тек 17-сі жұмыс істейді, қалғандары сақталады. Техникалық жағынан медициналық ұйымдар толық жабдықталған. Компьютерлік томографтардың қажетті саны, рентген аппараттары, оттегі концентраторлары, сондай-ақ 600 ӨЖЖ бар. Оның ішінде қазіргі таңда КВИ бар пациентті емдеуге тек біреуі ғана тартылған. Тағы бір мәрте біздің барлық азаматтарымыздан жауапты болуды сұрағым келеді. Көп нәрсе әрбір нақты адамның әрекетіне және жауапкершілігіне байланысты, – деп атап өтті Жеңіс Қасымбек.

Өңір басшысына жаңа рентген аппараты, урологиялық және пульмонологиялық бөлімшелер таныстырылды. Пульмопровизор кешенінің қуаты – 36 төсек. Палаталарда медициналық газдармен қамтамасыз етудің орталықтандырылған жүйесін қосу нүктелері шығарылды, санитарлық торап жабдықталды.

Урология бөлімінде Осакаров, Бұқар Жырау және Нұра аудандарының тұрғындарына мамандандырылған медициналық көмек көрсетіледі. Жыл сайын 300-ден астам ота жасау жүргізіледі. Жөндеуден кейін төсек-орын қоры едәуір кеңейтілді. Қазір 20 тәулік бойы бақылау төсегі және 25 күндізгі стационар төсегі бар. Қарағанды облысындағы жалғыз 3D-форматтағы лапароскопиялық тіреуіш Thunderbeat ультрадыбыстық диссекторы пайда болды. Алдағы уақытта Теміртау ауруханасының базасында урология орталығын құру жоспарлануда.

Он күн бұрын аурухана жаңа сандық рентген аппаратын алды. Ол жұмысқа дайын. Оның көмегімен науқасты тұрып немесе жатқан күйінде тексеру мүмкіндігі бар. Нәтиже үш секундтан кейін дайын болады.

Облыстың денсаулық сақтау басшысы Ержан Нұрлыбаев Қарағанды облысының коронавирустық инфекцияның екінші толқынына дайын екенін атап өтті.