Қ.Тоқаев Ұлттық Құрылтай құруды ұсынды
Бірлігіміздің негізіне айналған дала демократиясының дәстүрлерін жаңғыртуға тиіспіз, ұлттық кеңестер, қоғамдық сенім кеңестері өз қызметтерін табысты атқарды. Енді олардың орнына құрамы жағынан ауқымды болатын Ұлттық Құрылтай құруды ұсынамын.Қазақстан Республикасының Президенті Қасым-Жомарт Тоқаев
Оның айтуынша, жаңа құрылым ұлттық кеңестердің қызметін жалпыұлттық деңгейде жалғастырады.
Құрылтай қоғамдық диалогтың бірыңғай институционалдық моделін қалыптастыруы керек. Сөйтіп ол билік пен халық арасындағы дәнекерге айналады. Ол өз айналасына жұмыс істеп тұрған барлық өңірлік қоғамдық кеңестерді шоғырландыратын болады. Ұлттық құрылтайға барлық облыстардың өкілдері, сондай-ақ парламенттің кейбір депутаттары, ҚХА, азаматтық альянс, қоғамдық кеңестер мен ұйымдардың мүшелері, белгілі қоғам қайраткерлері, өнеркәсіп және ауыл шаруашылығы саласының қызметкерлері, бизнес өкілдері және басқа да азаматтар қатысады.Мемлекет басшысы
Осылайша, әр түрлі пікірдегі барлық өкілдерді қамтитын өкілді құрылым құрылатынын қосты. Ұлттық Құрылтай мүшелері тұрақты түрде бас қосып, маңызды мәселелерді талқылайды.
