8 мамырдағы жұмыс күні сенбідегі демалыс күніне ауыстырылды

Мамыр айындағы мереке күндеріне байланысты 4 мамыр – жұмыс күні болып бекітілді. Еңбек және халықты әлеуметтік қорғау министрлігі тиісті бұйрықты жариялады.

 – Демалыс күнін 2024 жылғы 4 мамырдағы сенбіден 2024 жылғы 8 мамырдағы сәрсенбіге ауыстырылады, – делінген құжатта.

Бұйрық оған қол қойылған күннен бастап күшіне енеді.

Осылайша, қазақстандықтар үш күн қатарынан, яғни 2024 жылдың 7, 8 және 9 мамыры демалады. 7 мамырда Отан қорғаушылар күнін және 9 мамырда Жеңіс күнін тойлайды.

4 мамыр жұмыс күні болады.

Сонымен қатар, 1 мамырда қазақстандықтар Қазақстан халқының бірлігі мерекесін атап өтеді.

Материалды әзірлеген Аида РАХЫМҚҰЛОВА