Ресми
Жезқазғандағы бұзылуға жататын апатты үй иелеріне өтемақы төленеді
Жезқазған өңіріндегі апатты жағдайдағы 26 үйдің 9-ы жөндеуге келеді. Ал, қалған 17 үйді бұзу жоспарлануда.
«26 апатты үйдің 17-сі бұзылады. Бұл жұмыстар биыл басталды. Қазір 8 үй бойынша 63 пәтер иесіне өтемақы берілуде. Осы мақсатқа бюджеттен 270 млн.теңге қарастырылған. Қалған 9 апатты үйді бұзу келесі жылға жоспарланса, 9 үйді жөндеу де алдағы жылы жүргізіледі. Жалпы, екі жылда бұл проблема шешіледі», – деді Жеңіс Махмұдұлы.