Жаңалықтар

Жәрдемақы проактивті түрде тағайындалады

16 мыңға жуық қазақстандық көп бала үшін тағайындалатын жәрдемақыны проактивті форматта алды. Бұл туралы «Азаматтарға арналған үкімет» мемлекеттік корпорациясы хабарлады.

Өткен жылдың мамырынан бастап төрт және одан да көп бала баласы бар көп балалы отбасылар жәрдемақысын алу үшін ХҚО-ға жүгіну міндеттілігінің орнына қашықтан SMS арқылы ресімдеуді ұсыну мүмкіндігін жасаған еді мемлекет.

Бұдан бұрын аталған жәрдемақыны ресімдеу үшін ХҚО-ға барып, өтініш жазып, жеке куәлік, балалардың туу туралы куәліктері, неке қию куәлігі сияқты құжаттарды ұсынуы қажет болатын. Жәрдемақы өтініш берілген күннен бастап тағайындалатын.

– Отбасында төртінші немесе одан көп бала туылған жағдайда, проактивті түрде баланың туу туралы куәлігін, бала туу мен оның бір жасқа дейінгі күтіміне байланысты берілетін жәрдемақыларды ғана емес, сонымен қатар, көп балалы отбасылар үшін жәрдемақы ресімдеуді ұсынатын SMS-хабарлама жіберіледі. Мұнда клиенттің SMS-ке келісімі ғана керек. Қажетті мәліметтер мемлекеттік органдардың ақпараттық жүйелерінен алынады. ХҚО-ға барудың қажеті жоқ, – дейді «Азаматтарға арналған үкімет» мемлекеттік корпорациясының Басқарма төрағасы Әділ Қожықов.

Көп балалы отбасылар үшін жәрдемақы 2020 жылдың басынан бастап төленеді. Төлемді төрт және одан да көп бала туған әйелдер алады. Қазіргі уақытта бұл жәрдемақыны 487 мыңнан астам қазақстандық отбасы алады. Оның ішінде, 63 437 әйел «Алтын алқа», 138 571 әйел «Күміс алқа» иегері.

2022 жылы көп балалы отбасыларға тағайындалатын жәрдемақы мөлшері:

4 балаға 49 100 теңге;

5 балаға 61 383 теңге;

6 балаға 73 666 теңге;

7 балаға 85 948 теңге;

8 балаға 98230 теңге.

Келесі әр балаға +4 АЕК.

Толығырақ 1414 нөмірі бойынша біле аласыздар.

Өз тілшімізден.

Басқа материалдар

Back to top button