Кең байтақ жеріміздің игілігін латифундистер емес, қарапайым халық көруі керек — Тоқаев

Ел Президенті қарағандылық жұртшылықпен кездесу барысында жер мәселесін де айналып өтпеді. Өңірдегі жайылым тарлығы, игерілмеген жердің ел игілігіне берілуі өткен Жолдаудан бері қозғалып келе жатқан тақырып.

– Әлемде 9-орынды алатын ұлан-ғайыр жері бар Қазақстанда жайылым тапшылығы деген – еш қисынға келмейтін нәрсе. Осы кең байтақ жеріміздің игілігін латифундистер емес, қарапайым халық көруі керек, – деп атап өтті Президент.