Оқушыларды бағалау жүйесі өзгермек
Еліміздегі мектептерде дене шынықтыру сабағындағы бағалау жүйесі өзгеруі мүмкін. Бұл туралы ҚР Премьер-Министрінің орынбасары Ералы Тоғжанов айтты.
«Қазіргі кезде дене шынықтыру сабағында бағалауды өзгерту мәселесін Ұлттық ғылыми-практикалық дене тәрбиесі орталығында жұмыс тобы қарастырып жатыр», – деп жазды Е.Тоғжанов депутаттық сауалға жауап бере отырып.
Сонымен қатар Ыбырай Алтынсарин атындағы ұлттық білім академиясы базасында 5-9 сыныптар үшін «Дене шынықтыру» сабағының оқыту бағдарламасына өзгерту мен толықтыру енгізу жұмысы жүргізіліп жатыр. Бұдан бұрын белгілі болғандай, мектеп жасындағы 2 млн бала дене шынықтыру үйірмелерімен қамтылған.
Айта кетейік, Қазақстанда екі жылда 100-ден астам дене шынықтыру-сауықтыру кешені салынды.
Өз тілшімізден.