1-6 жастағы балаларға қосымша ақы төленеді

Еңбек және халықты әлеуметтік қорғау министрлігі мемлекеттік атаулы әлеуметтік көмек тағайындау туралы қағидаларға осындай өзгерістер енгізуді ұсынды.

«Бір жастан алты жасқа дейінгі балаларға қоса алғанда атаулы әлеуметтік көмек тағайындау кезеңіне әр балаға 1,5 айлық есептік көрсеткіш мөлшерінде ай сайынғы қосымша төлем төленеді», – делінген жобада.

Құжат «Ашық НҚА» сайтында 25 қарашаға дейін қоғамдық талқылауға шығарылды.