Президент сайлауы — 2022: ОСК 12 өңірді аралады

28 қазаннан бастап Орталық сайлау комиссиясының мүшелері сайлау учаскелеріне әдістемелік көмек көрсету және президенттік сайлауға дайындықты тексеру үшін еліміздің 12 өңірін аралады, деп хабарлайды Ortalyq.kz сайты Egemen.kz-ке сілтеме жасап. 

«Сайлау учаскелеріне әдістемелік көмек көрсету және сайлау учаскелерінің алдағы сайлауға дайындығына көз жеткізу үшін Орталық сайлау комиссиясының мүшелері өңірлерге сапарларын бастады. Мен және менің әріптестерім 12 өңірде болдық. 17 қарашаға дейін қалған өңірлерге баруды жоспарлап отырмыз», деді Орталық сайлау комиссиясының төрағасы Нұрлан Әбдіров.

Айта кетсек, ОСК барлық сайлау инфрақұрылымының 2022 жылғы 20 қарашаға тағайындалған кезектен тыс президенттік сайлауға 100% дайындығын қамтамасыз етуді мақсат етіп отыр.