Ескі ғимаратқа – жаңа келбет

Бұқар жырау ауданында ескі ғимараттарды жаңалау жұмыстары жүріп жатыр. Соның бірі Көкпекті ауылында қараусыз қалған ескі құрылыс базасы болатын. Бүгінде бұл ғимарат спортзалына айналды.

Көкпекті ауылдық округінде мемлекеттік бағдарлама аясында қараусыз қалған ғимараттар қалпына келтірілуде.

Көкпектідегі алғашқы қалпына келтірілген нысандардың бірі бұрынғы құрылыс базасының иесіз ғимараты. Қазір ол спортзалына айналды.

– Нысан бюджет есебінен қалпына келтірілді. Жөндеу жұмыстары сәуір айында басталды. Шатыр жаңартылды, терезелер ауыстырылды, ғимараттың іші мен сырты толығымен жөнделді. Қазір онда 200-ге жуық бала жаттығады. Үш секция жұмыс істейді: каратэ, қазақ күресі және фитнес-аэробика. Бұрын Көкпекті ауданында мұндай спортзал болмаған. Жастар жергілікті мектепте жаттықты. Бұл ыңғайсыз болды, – дейді Көкпекті ауылдық округінің әкімі Айдын Досмақов.

Сондай-ақ, жақында Көкпектіде дәріхана мен Мәдениет үйі ашылады. Дәріхана ғимараты жөнделіп, сенімді басқаруға беріледі.

Мәдениет үйі тоқсаныншы жылдары қойма ретінде пайдаланылған, бұрынғы заман құрылыстарының орнында бой көтереді. Тозығы жеткен балшық нысандарды бұзып, орнына жаңа ғимарат салу жоспарланған.

– Болашақ дәріхананың ғимаратын жөндеп жатырмыз. Онда кеңес заманында тауар өлшейтін алаң болған. Көкпектіге клуб та қажет. Сондай-ақ, мұнда көкөніс қоймасын қалпына келтіреміз және үстел теннисі бойынша сабақтар өткізілетін жергілікті мектеп аумағындағы бұрынғы шеберханада да жөндеу жұмыстарын жүргіземіз, – деді Айдын Досмақов.

Сонымен қатар, Байқадам ауылында мектеп жанындағы қараусыз қалған ғимарат та қалпына келтіріледі. Онда жергілікті тұрғындар қолданбалы өнер үйірмесін ұйымдастырғысы келеді.

Өз тілшімізден.