«Елдікті сақтап қалған ЕР ТАҢЫБАЙ» әдеби және тарихи-танымдық байқауының ЕРЕЖЕСІ

  1. Жалпы ереже

«Елдікті сақтап қалған ЕР ТАҢЫБАЙ» әдеби және тарихи-танымдық байқауы (бұдан әрі — Байқау) Қазақстан Республикасының Тұңғыш Президенті, Елбасы Н.Ә. Назарбаевтың «Болашаққа бағдар: рухани жаңғыру» мақаласында жүктелген міндеттерді жүзеге асыру мақсатында және Кәрсөн Бекназарұлы Таңыбай батырдың 350 жылдығына орай ұйымдастырылады;

Байқауға ересек адамдармен қоса мектеп оқушылары, жоғарғы және арнаулы орта білім ошақтарының студенттері қатыса алады;

Байқауға – қазақ халқының батыры Бекназарұлы Таңыбай батыр туралы өлең-жырлар, әңгімелер, очерктер, тарихи деректер қабылданады;

Осы Ереже Байқау шаралары аяқталғанға дейін қолданыс күшін жоймайды;

Батыр туралы жазған шығармаладың электронды нұсқасы және қосымша ақпарат arka.aksunkary@mail.ru, tanybaibatyr350zh@mail.ru электронды почталарына жіберіледі.

2. Байқаудың мақсаты мен міндеттері:

өскелең ұрпақтың шығармашылық және зияткерлік қабілетін дамытуға жағдай жасау;

жастарды халық поэзиясына, қазақ халқының рухани асыл мұрасына деген сүйіспеншілікке және патриотизмге тәрбиелеу, елдік пен ерлік рухын, намысшылдық, қайсарлық қасиеттерге баулу;

жастарды әдебиетке, поэзияға сүйіспеншілігін ояту.

3. Ұйымдастыру алқасының қызметі

Байқауды Таңыбай батыр атындағы «Арқаның Ақ Сұңқары» қоғамдық қорының Ұйымдастыру комитеті жүзеге асырады;

Ұйымдастыру комитетінің құрамына Таңыбай батыр ұрпақтарының беделді адамдары, шығармашылық саласындағы азаматтар кіреді.

Ұйымдастыру комитеті өкілеттілігі:

Байқаудың өткізілу шарттары мен Ережесін бекітеді;

Қазылар алқасының жұмысын үйлестіреді.

4. Байқауды өткізу деңгейлері, тәртібі мен шарттары

Байқау 2020 жылдың 25 қазанынан бастап 2021 жылдың 25 қаңтарына дейін өткізіледі;

Шығармашылық туындылар 2020 жылдың 25 желтоқсанына дейін қабылданады;

Байқауға қатысушылардың әрқайсысы толық аты-жөнін (тегі, аты, әкесінің аты), туған жылы, айы, күні, атқаратын қызметі, лауазымы, шығармашылықпен айналысып жүргені туралы уақытын көрсетулері қажет;

Байқауға қатысуға сұраныстар мына электронды пошта арқылы қабылданады: arka.aksunkary@mail.ru, tanybaibatyr350zh@mail.ru.

Байқауға қатысушылар Бекназарұлы Таңыбай батыр туралы өлең-жырлар, әңгімелер, очерктер, тарихи деректер жазып жарысады.

5. Бағалау критерийлері:

Қатысушылардың өнері балдық жүйемен бағаланады;

Қазылар алқасы шығармалардың орфографиялық, стилистикалық және көркемдік ерекшеліктерін ескере отырып, дауыс беру арқылы жеңімпаздарды анықтайды.

6. Қазылар алқасы:

Байқауға қатысушылардың өнерін бағалау үшін қазылар алқасы құрылады;

Қазылар алқасының шешімі түбегейлі болып табылады және қайта қаралмайды;

Қазылар алқасының шешімі хаттама түрінде рәсімделеді және оған барлық мүшелері қол қояды;

Дауыстар саны тең түскен жағдайда қазылар алқасының төрағасы шешуші дауысқа ие болады; Қазылар алқасының шешімі талқылауға жатпайды.

7. Марапаттау

«Елдікті сақтап қалған ЕР ТАҢЫБАЙ» әдеби және тарихи-танымдық байқауының жеңімпаздары арнайы дипломдармен, ақшалай сыйлықтармен марапатталады.

Байқауда келесідей орындар беріледі:

І орын (біреу) – 200 000 теңге;

ІІ орын (біреу) – 150 000 теңге;

ІІІ орын (біреу) – 100 000 теңге.

— Сонымен қатар, жүлделі орынға ие бола алмаса да, 3 сайыскерге 50 000 теңге көлемінде ынталандыру сыйлықтары беріледі.

Байқау барысында үздік болып танылған өлең-жырлар, әңгімелер, очерктер, тарихи деректер баспада дайындалып жатқан Бекназарұлы Таңыбай батырға арналған кітапқа енгізілетін болады;

— Марапаттау рәсімі Бекназарұлы Таңыбай батырдың 350 жылдығына арналған мерекелік шараларда жүргізіледі.

Байқау Ережесіне өзгерістер енгізілсе arka.aksunkary@mail.ru электронды почта арқылы қосымша хабарланады.

Ұйымдастыру комитетінің мекенжайы: 050062, Алматы қаласы, Әуезов ауданы, Төле би көшесі, 302-үй. «Елдікті сақтап қалған ЕР ТАҢЫБАЙ» әдеби және тарихи-танымдық байқауы.

Таңыбай батыр атындағы «Арқаның Ақ Сұнқары» қоғамдық қоры.

№263.