Тәттімбет атындағы академиялық қазақ халық аспаптар оркестрі Нұрғиса Тілендиевті еске алуға арналған концерт өткізді

Белгілі композитор Нұрғиса Тілендиевтің туғанына 95 жыл толуына орай Тәттімбет атындағы Қарағанды академиялық қазақ халық аспаптар оркестрі жаңа концерт өткізді.

Нұрғиса Тілендиев қазақтың ұлттық өнері мен мәдениетінде жарқын із қалдырды. Оның көптеген марапаттары бар – Қазақ КСР-нің еңбек сіңірген өнер қайраткері, Халық әртісі және Кеңес Одағының Мемлекеттік сыйлығының лауреаты, «Халық қаһарманы». Композитор және дирижер бола отырып, ол әр түрлі жанрда 500-ден астам шығарма жазды: әндер, күйлер, романстар, увертюралар, поэмалар, кантаталар, опера, балет.

Қазақ халық аспаптар оркестрі Нұрғиса Тілендиевтің «Көш керуен», «Бауырларым», «Көңілді бикеш», «Атадан мұра», «Көзім көрді аққудың жылағанын» және «Ата толғауы»шығармаларын қамтитын үлкен бағдарлама дайындады.

Халықаралық байқаулардың лауреаты Рысты Рахымжан «Ақ шағала» және «Кел еркем Алатауыңа» әндерін орындады. Еңбек сіңірген өнер қайраткерлері Меруеш Башай «Қайран менің жүрегім» композициясымен және Балғабек Смағұлов «Аққу» әуенін орындап, өнер көрсетті.

Қазақстанның еңбек сіңірген қайраткері Әбдіғалисын Шоқанбаев пен «100 жаңа есім» жобасының жеңімпазы Ерлан Бақтыгерей дирижерлік етті.

Концертті 27 қазан күні сағат 19.00-де Қарағанды концерттік бірлестігінің YouTube-каналынан көруге болады.