19 көліктің қатысуымен жол көлік оқиғасы орын алды
Бүгін, сағат 13:00 шамасында «Екатеринбург-Алматы» автожолының Ақсу-Аюлы ауылының 20 шақырымында автожолды қайта жаңарту учаскесінде алдын ала мәлімет бойынша 19 жеңіл автокөліктің қатысуымен жол-көлік оқиғасы орын алды.
Қазіргі таңда оқиға орнында ТЖМ құтқарушылары, психологтар, ҚР ТЖМ АМО және жедел жәрдем дәрігерлері жұмыс істеуде. Сондай-ақ, ТЖМ вахтасы орналасқан.
Жедел жәрдем бригадасымен Ақсу-Аюлы ауылындағы аудандық ауруханаға 6 адам жеткізілді.
Бұған дейін автожолда жол патрульдік полициясының сүйемелдеуімен колонна қозғалысы ұйымдастырылған болатын. ПД айтуынша, жол-көлік оқиғасына ұшыраған көлік қатысушылары колонна құрамында болмаған.
Қазіргі уақытта кептеліс жоқ, қозғалыс арнайы қарсы жолақ бойымен жүзеге асырылады.
Аида РАХЫМҚҰЛОВА,
Ortalyq.kz
