Жуырда Приозерск қаласы жастар ресурстық орталығының мұрындық болуымен әлеуметтік желілер арқылы «Абай – дана, Абай – дара қазақта» атты қалалық онлайн байқау өтті.
Абай Құнанбайұлының 175 жылдығына орай өткізілген онлайн байқауға бірнеше сайыскер қатысып, ақынның шығармаларын мәнерлеп оқыды. Байқау Абай мұрасын дәріптей отырып, көпшілік арасында мәнерлеп оқу мәдениетін қалыптастыру мақсатында ұйымдастырылды. Байқау қорытындысы бойынша үздік шыққан Бекзат Әбдікәрімовке Бас жүлде табысталды. Сонымен қатар, І орынды – Бейбарыс Жиенбай, ІІ орынды – Қарлыби Айдархан, ІІІ орынды Қанағат Әбдірейім иеленді. Ал, «Ең жас қатысушы» номинациясы Жасұлан Жақсылыққа, «Үздік мәнерлеп оқушы» номинациясы Наргиза Серікбаеваға берілді. Бұдан бөлек, байқауда белсенділік танытқан қатысушылар Алғыс хаттармен, арнайы сыйлықтармен марапатталды.
Онлайн іс-шаралар мұнымен шектелмейді. Жастар ресурстық орталығы алдағы уақытта да интернет-акцияларды ұйымдастыруды жоспарлап отыр.
ПРИОЗЕРСК қаласы.
