Арқа жұрты ақынын ардақтады

Ақын, Қазақстан Жазушылар одағының мүшесі, «Ыстыбұлақ», «Ар-Рух» жыр жинақтарының авторы Руслан Нұрбай 50 жасқа толуына орай қалың оқырманына есеп берді. 25 жасында-ақ бір өлеңімен Алматының әдеби ортасын жалт қаратып, Қазақстан Жазушылар одағына қабылданған ақын Кеншілер мәдениет сарайында «Үтірсіз уақыт…» атты жыр кешін өткізді.

Поэзия кешінде Арқа жұртының алдында Қазақсан байтағына өзінен бұрын өлеңі жеткен ақынның «Үтірсіз уақыт…» деген жаңа өлеңдер кітабының тұсауы кесілді. Руслан Нұрбай оқырманының алдында күркіреп өлең оқыды.

Облыс әкімінің орынбасары Әлібек Әлденей ақынға аймақ басшысының құттықтауын жеткізіп, құрмет көрсетті. Алыс-жақыннан келген қаламдас аға-бауырлары шайырдың шығармашылығы жайлы ордалы ойларын ортаға салып, шалқар шабыт тіледі.

Мақаланың толық нұсқасын газеттің алдағы санынан оқи аласыздар.

Ерік НАРЫН,
Ortalyq.kz