Қазақстанда жүк көліктерін қайта өңдеуге қабылдау басталды
12 қазаннан бастап Қазақстанда көлікті қайта өңдеуге қабылдау шарттары өзгерді. Бұрын кәдеге жаратуға тек жеңіл автокөлік тапсырылатын. Енді жүк көліктерінің иелері ескі көліктерін тапсырып, орнына ақшалай төлемдер ала алады. Қабылданған машиналар Қарағанды зауытында кәдеге жаратылады.
Жүк және жолаушылар көлігі үшін өтемақы айлық есептік көрсеткішке байланысты:
– М2, N1 (жүктемесіз салмағы 1,3 тоннадан кем көлік құралын қоспағанда) және N2 санатындағы пайдаланудан шыққан көлік құралдары (ПШКҚ) 144 АЕК (400 032 теңге) бағаланады;
– жоғарыда аталған санаттағы, бірақ толық емес жиынтықтағы көлік құралдары 126 АЕК (350 028 теңге) мөлшерлес;
– толық жиынтықтағы ауыр салмақты көлік құралдарын (М3, N3 санаты) тапсырғаны үшін меншік иесі шамамен 216 АЕК (600 мың теңге) алады;
– толық емес жинақтау 198 АЕК (550 мың теңге) көлемінде бағаланады.
Ақшалай төлемдер меншік иесіне екі күн ішінде банктік шотқа аударылады. Жолаушылар және жүк көлігінің орнына жеңілдік сертификаттарын беру уақытша тоқтатылды.
