Жезқазған әкімі болып Қайрат Абсаттаров тағайындалды, осыған дейін «Азаматтарға арналған үкімет» Мемлекеттік Корпорациясы» КЕАҚ басқармасы төрағасының бірінші орынбасары – басқарма мүшесі лауазымын атқарған. Қаланың жаңа басшысын облыс әкімі Жеңіс Қасымбек таныстырды.
– Қайрат Бектайұлында мемлекеттік басқару тәжірибесі бар, қала проблемаларын біледі және олардың шешімдерін таба алады. Ол өзінің тәжірибесі мен білімінің арқасында Президентпен қойылған міндеттерге сәйкес жұмысын ұйымдастыра алады, – деді, Қарағанды облысының әкімі Жеңіс Қасымбек.
Қаланың жаңа басшысының кандидатурасы Жезқазған мәслихатының депутаттарына кезектен тыс сессияға ұсынылды. Олар бір ауыздан Қайрат Абсаттаров үшін дауыс берді.
– Құрметті жерлестер, сіздерге сенімдеріңіз үшін алғыс айтқым келеді. Мен оны ақтауға тырысамын, – деді Жезқазған қаласының жаңа әкімі.
Ол 1966 жылы Жезқазғанда дүниеге келген. Үш жоғары білімі бар: 1990 жылы Қарағанды политехникалық институтын «Автомобиль және автомобиль шаруашылығы» мамандығы бойынша; 1998 жылы – О.А.Байқоңыров атындағы Жезқазған университетін «Экономика және өндірісті басқару» мамандығы бойынша; 2018 жылы – «МИСиС» Ұлттық техникалық зерттеу университетін «Іскерлік әкімшіліктендіру магистрі» мамандығы бойынша тәмәмдаған.
1990 – 1997 жылдары Жезқазғанның автомобиль өнеркәсібінің өнеркәсіп кәсіпорындарында, Қарағанды облысының әкімшілік аппаратында еңбек етті.
Стратегиялық жоспарлау және реформалау агенттігінде, Қазақстан Президентінің Әкімшілігінде жұмыс істеген, Байланыс және ақпарат министрлігінің жауапты хатшысының лауазымын атқарды, сонымен бірге көлік және коммуникация вице-министрі, ҚР бірнеше министрліктерінде комитет төрағасы болды, одан кейін Қазақстан Республикасының премьер-министрінің канцеляриясын, Өңірлік даму департаментін басқарды.
2019 жылдан бастап осы күнге дейін «Азаматтарға арналған үкімет» мемлекеттік корпорациясы басқармасы төрағасының бірінші орынбасары – басқарма мүшесі болған.
«Құрмет» орденімен марапатталған.
Жезқазған әкімі Қайрат Бегімов Президент Әкімшілігінің келісімімен басқа жұмысқа ауыстырылуына байланысты атқарып отырған лауазымынан босатылды.
