Аймақ басшысы «Киров» шахтасына барды
Қарағандыда «Exim Artis» компаниялар тобына кіретін «Киров» шахтасы көмір өндіруді ұлғайтуда. Жарты жыл ішінде шахтада шамамен 220 мың тонна өндірілді. Биылғы жоспар – 383 мың тонна. Болашақта жарты миллионға дейінгі көлемге шығу жоспарлануда. Байыту процесінен кейін көмір өнімдері Еуропа елдеріне жеткізіледі. Аймақ басшысы Ермағанбет Бөлекпаев кәсіпорын қызметімен танысу үшін шахтаға арнайы барып қайтты.
– «Киров» шахтасында 500-ден астам адам жұмыс істейді. Бүгінгі таңда жұмыста 119к12 лава бар. Тағы бір лава дайындалуда. 750–900 мың тонна көмір қоры бар жаңа лава дайындалуда. Кейіннен біз тағы бірнеше лаваны іске қосамыз. Бұл бізге он жыл ішінде дамуға мүмкіндік береді, – дейді «Exim Artis» ТКК директорлар кеңесінің төрағасы Олег Булков.
Оның айтуынша, ұңғыма жұмыстары да белсенді жүріп жатыр.
Өнеркәсіптік қауіпсіздік мақсатында өткен жылы шахтада позициялау жүйесі енгізілді. Бұл диспетчерге жер астында болып жатқан бүкіл жағдайды көруге және апат немесе төтенше жағдай туындаған кезде жедел шаралар қабылдауға мүмкіндік береді.
Жалпы, компаниялар тобына 15-тен астам кәсіпорын кіреді. Оның ішінде «Қарағанды» ОБФ бар. Мұнда өндірілген барлық көмір жіберіледі. Өңдеуден кейін кокс және энергетикалық концентрат Еуропа елдеріне, атап айтсақ, Германия, Италия, Румыния және тағы да басқа елдерге экспортталады.
«Exim Artis» ТКК 2003 жылы құрылған. Бұл толық циклді тау-кен кәсіпорны.
Материалды әзірлеген Ербол ЕРБОЛАТ.
