Мамандандырылған ХҚКО-ға кезекті брондау оңтайландырылды

«Ұлттық ақпараттық технологиялар» АҚ мамандандырылған Халыққа қызмет көрсету орталықтарына кезекті брондау процесін оңтайландырды. Автокөлікті қайта тіркеу үшін арнайы ХҚКО-ға кезекті брондау кезінде сатушының, көлік иесінің ЖСН (егер автокөлік сенімхат бойынша сатылса) және сатып алушының ЖСН көрсету қажет, барлық үш ЖСН-а бір қызметті алу үшін жүйеде тіркеледі.

Белгіленген уақытта мамандандырылған ХҚКО-ға келген кезде талон кезекке қойған басқа адамдардың деректеріне өзгерістер енгізу мүмкіндігінсіз ЖСН-нің біреуіне ғана беріледі. Яғни, мамандандырылған ХҚКО-ға кезекке автокөлік құралының мемлекеттік тіркеу нөмірлік белгісі көрсетілген жағдайда ғана тапсырыс беруге болады.

Осылайша, ХҚКО қызметкері сенім білдірілген тұлға туралы мәліметтерді мамандандырылған ХҚКО-ға келген кезде кезекке қойған тұлғалар туралы деректерге өзгерістер енгізу қажеттілігінсіз алдын ала алады.

ХҚКО-да (мамандандырылған ХҚКО емес) кезекті брондау бұрынғы форматта қалады.

Telegram (EgovKzBot2.0), «ВКонтакте» (Портал eGov.kz) және Facebook (портал Egov.kz) чат-боттары арқылы кезекті брондау үшін, басты мәзірде «ХҚКО-да кезекті брондау» батырмасын таңдау қажет, одан кейін нұсқалардың бірін таңдау керек: кезекке тапсырыс беру немесе қайта брондау.

Сәтті брондау кезінде мессенджерге немесе чат-ботқа хабарлама түседі, егер мобильді азаматтар базасында тіркелген болса, пайдаланушыға СМС-хабарлама келеді. Кезекті алдын ала брондауға тәулігіне бір рет рұқсат етіледі. Егер белсенді бронь болса, жаңадан брондау мүмкін емес, оны қайта брондау керек.

«Ұлттық ақпараттар технологиясы» АҚ.