АймақБас тақырыпҚарқаралы

100-ге жуық бейнебақылау камерасы орнатылады

Қарқаралыда бейнебақылау камераларын монтаждау жұмыстары жүріп жатыр. Қазірдің өзінде 60 бейнебақылау камералары орнатылған, тағы 39 құрылғы дайын тұр. Камералар қоғамдық орындарда, жол қиылыстарында, жол бойында, ескерткіштердің жанында, қалаға кіретін және шығатын жерлерде, сондай-ақ адамдар көп жиналатын аймақтарда орналастырылады. Олардың басты мақсаты – құқық бұзушылықтың алдын алу және қылмыс деңгейін төмендету.

Қазіргі заманғы камералар алдыңғы қатарлы функциялармен, соның ішінде бет пен автомобильдерді танумен жабдықталған. Барлық ақпарат аудандық полиция бөлімінің жедел әрекет ету орталығына келіп түседі, онда қызметкерлер тәулік бойы қоғамдық тәртіпті қадағалайды.

– Мұндай жүйелерді енгізу оқыс оқиға орын алғанда жедел әрекет етуге, қылмыстың алдын алуға және тұрғындар үшін қауіпсіз жағдай жасауға мүмкіндік береді, – дейді аудандық полиция бөлімінің бастығы, подполковник Жандос Жұмабеков. – Бұдан басқа, камераларды орнату халықтың құқық қорғау органдарына деген сенімінің артуына ықпал етеді.

Материалды әзірлеген Аида РАХЫМҚҰЛОВА

Басқа материалдар

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

This site uses Akismet to reduce spam. Learn how your comment data is processed.

Back to top button