Қазақстанда 13 шілде Ұлттық аза тұту күні болып жарияланды

Қазақстанда 13 шілде Ұлттық аза тұту күні болып жарияланды. Бұл туралы Мемлекет басшысы Қасым-Жомарт Тоқаев үндеуінде айтты.

“Көптеген елде жағдай бізден де қиын. Дегенмен “Әр қазақ – менің жалғызым” дегендей, әр азаматымыздың қазасы жүрегіме қатты батады. Мынау алапат індет арамыздан аталай асылдарымызды жұлып әкетіп жатыр. Бүгінде қара жамылып отырған азаматтарымыздың қайғысына ортақтасып, көңіл айтамын. Сол үшін 13 шілдені Ұлттық аза тұту күні деп жарияаймын. Бірақ біздің күресіміз жалғаса береді”, – деді Тоқаев.

Айта кетейік, Қазақстанда коронавирус жұқтырғандар саны 51059-ға жетті. Оның 16928-і аурудан жазылса, 280 науқас көз жұмған.