Ескерткіш аумағының өңі кірді

Приозерск қаласындағы Ауғанстан соғысына қатысушылар құрметіне қойылған ескерткіш айналасы абаттандырылды.

Алдымен ескерткіш сырланып, интернационалист-жауынгерлерге арналған мемориалдық тақта бекітілді. Жарық диодты шамдар, қоқыс салғыш пен орындықтар орнатылды. Темір шарбақпен қоршалып, тас төселді.

Приозерск қаласының тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің басшысы Темірхан Айдархановтың айтуынша, қаланы абаттандыру жұмыстары кестеге сәйкес жүзеге асырылуда.

– Ескерткіштің түсі оңып, төселген тастардың дені сынып тұрған еді. Нысанның айналасына жаңадан орындықтар қойылып, жарық шамдары қалпына келтірілді. Абаттандыру жұмысын Қарағанды қаласындағы «KazNetService» мекемесі жүргізді. Алдағы уақытта бұл жер қала тұрғындары үшін серуендеуге ыңғайлы орындардың біріне айналады деп ойлаймын, – дейді Темірхан Айдарханов.

Нұрдос КӘРІМ.

ПРИОЗЕРСК қаласы.