Еліміздің шалғай өңірлерінде көліктік медицинаны жаңғырту жөнінде шаралар қабылданады. Бұл туралы бүгін Мемлекет басшысы Қасым-Жомарт Тоқаев халыққа Жолдауында мәлімдеді.
Мемлекет басшысы: «Үкімет бастапқы медициналық көмекті ұйымдастыру тәсілдерін қайта қарауы қажет. Ол барынша мобильді әрі халықтың барлық тобына, оның ішінде ауыл тұрғындарына қолжетімді болуы керек. Шалғай өңірлерде көліктік медицинаны жаңғырту жөнінде шаралар қабылдау қажет. Бұл үш жыл мерзімде ауылда тиімді денсаулық сақтауды қалыптастыруға көмектеседі», – деді.
