Ашық диалогтың мұндай форматы аудиторияны кеңейтеді, тұрғындар сұрақтар қоя алады.

– Өздеріңіз білетіндей, жыл бойы мен тұрғындармен кездесулер өткіземін, бірақ олардың арасында жұмыс ұжымдарының өкілдері үнемі бола бермейді. Сондықтан бүгін сіздердің ұсыныстарыңыз бен сұрақтарыңызды тыңдау үшін келдім. Биылғы жыл Президенттің бастамасымен Жұмысшы мамандықтар жылы деп жарияланды. Мемлекет басшысы жұмысшы мамандықтары экономика негізі екенін ерекше атап өтті. Сіздерге адал еңбектеріңіз бен өңірдің дамуына қосқан үлестеріңіз үшін алғыс айтқым келеді, – деді Ермағанбет Бөлекпаев еңбек ұжымына. – Бүгін менімен бірге түрлі мемлекеттік органдардың өкілдері келді. Ашық әңгімеге дайынбыз.

Кездесуде азық-түлік бағасына қатысты мәселе көтерілді. Қала әкімі Сапар Сатаев коммуналдық базар туралы айтып берді, онда кәсіпкерлер жалға алу ақысы төленбейтін сауда орындарын алады. Осының есебінен бағалар төмендейді. Барлық қажетті инфрақұрылымы бар ғимарат кең және жылы, онда ауа баптағыштары, санитариялық тораптары бар. Бұдан басқа, қала бойынша коммуналдық павильондар орнатылады. Ал супермаркетте картоп әлеуметтік бағамен сатылады.

Қаланың дамуы туралы да әңгіме қозғалды. Жолдар бойынша сын көп. Оларды жедел жөндеуге мүмкіндік болмады, себебі қалада инженерлік желілерді қайта жаңарту жұмыстары жүргізілуде. Жаңа құбырлардың салынуына қарай жол төсемі де қалпына келтіріледі.

Қала әкімінің мәліметінше, биыл Ағыбай батыр, Қадыржанов, Абай, Победоносцев көшелерінде асфальт жабынын, жарықтандыру тіректерін және жаяу жүргіншілер тротуарларын қалпына келтіру жоспарланған. Ұзындығы 17,6 км 18 көшені қамтитын жолды орташа жөндеуден өткізу көзделген.

Өткен жылы Балқашта көпқабатты үйлердің қасбеттері мен шатырларын жөндеу жұмыстары қолға алынды. Биыл облыстық бюджеттен 70 үйді жөндеуге қаражат бөлінді.

Қалада автобус паркі жаңартылды, сондай-ақ коммуналдық компаниялар өз техникаларын жаңартуда.

Тұрғын үй мәселесі әрқашан өзекті мәселе. Кездесуде «Отбасы банкі» филиалының директоры Бауыржан Жуасбаев жұмысшы мамандықтар үшін «Наурыз жұмыскер» жаңа ипотекалық бағдарламасы туралы айтып берді. Ол 2025 жылдың 17 наурызында басталады.

 Жұмыс сапары барысында Ермағанбет Бөлекпаев «Қазақмыс» компаниясының өнеркәсіптік нысандарын да аралады. Ол «Kazakhmys Progress» ЖШС жұмысымен танысып, Қ. Сәтбаев атындағы Қазақ ұлттық техникалық зерттеу университетінің Металлургия және байыту институтының ғалымдары әзірлеген вакуумдық дистилляцияның жаңа технологиясы бойынша техникалық селен шығарылуын қарап қайтты.

Сонымен қатар, облыс әкімі Балқаш мыс балқыту зауытының қымбат метал цехының өндірісін аралап көрді.

Сондай-ақ оған «Қазақмыс» компаниялар тобының талдау зертханасы көрсетілді.

Аида РАХЫМҚҰЛОВА,

Ortalyq.kz

Сообщение Аймақ басшысы Балқаш ЖЭО-ның еңбек ұжымымен кездесті появились сначала на «ORTALYQ QAZAQSTAN» газеті.

Буды барынша жылытуға арналған экрандық панельдерді, радиациялық және қабырғаға орнатылған бу қыздырғыштарды жөндеу бойынша жұмыстар жүргізілуде. Дәнекерленген орындардың сапасын анықтау үшін қажет қазандық қондырғысын гидравликалық престеуден кейін, жылу оқшаулағышты орнатуға кіріседі.

Жұмыстың бір бөлігі газ тазартқыш қондырғыларды – эмульгаторларды алмастыруға байланысты. Олардың артықшылығы-түтін газдарын күлден сапалы тазартады.

Қазандық қондырғысын жөндеу оның тозуын 30%-ға азайтады, ал экологиялық жағынан отын шығыны мен қоршаған ортаны ластаудың төмендеуіне әкеледі.

№ 4 турбоагрегатта кеңейтілген-ағымдағы жөндеу жұмыстары аяқталуда. Мұнда турбинаның ағынды бөлігіндегі  барлық цилиндрлерді ашып, орташа қысымды роторды ауыстырды, генераторды күрделі жөндеуден өткізді; турбина мойынтіректерінің кірістерін қайта құю арқылы тіректерді жөндеді; жоғары қысымды жылытқыш жөнделді.

Электротехникалық жабдық қалпына келтірілді және технологиялық процесті басқарудың автоматтандырылған жүйесі жаңғыртылды.

№ 7 қазандық агрегатының типтік ағымдағы жөндеуі кезінде экрандық панельдердің, бу қыздырғыштардың, шаң құбырлары мен газ құбырларының, бекіту және реттеу арматурасының ақаулы учаскелері тексеріліп, жөнделді.

3-ЖЭО-да қыс мезгіліне тек негізгі ғана емес, сонымен қатар қосалқы жабдықтар да дайындалады: сорғы шаруашылығына, электр жабдықтарына, ғимараттар мен құрылыстарға қажетті жөндеу жұмыстары тексеріліп, жөнделеді; қаланы жылытуға желілік су беруге және жылыту үшін қызмет ететін жабдықтары жүйесіне, түтін құбырына жөндеу жұмыстары жүргізіледі.

Материалды әзірлеген Ербол ЕРБОЛАТ.

Сообщение Қарағанды 3-ЖЭО жылыту маусымына дайындалуда появились сначала на «ORTALYQ QAZAQSTAN» газеті.

Кейінгі 10 жылда Шахтинск ЖЭО-да негізгі жабдыққа күрделі жөндеу жүргізілмеген. Биыл соның үш қазандығы мен екі турбинасы жөнделуде. Мұнда екі мердігер компания жұмыс атқарып жатыр.

Атап айтсақ, №1 жəне №4 қазандықтар бойынша жөндеу жұмыстары кестеге сай жүргізілуде. Барлық материал жеткілікті. Ал, жұмысшы қолы жетіспейтіндіктен, № 3 қазандықты жөндейтін мердігер ұйым кестеден артта қалып келеді. Облыс əкімі аталған бригаданы 10 адамға дейін ұлғайтуды жəне жергілікті əкімдікке күн сайын жөндеу жұмыстарын бақылауды мұқият тапсырды. Ал, түтін соратын бөліктің шатыры апаттық жағдайда тұр. Қазір конкурс тық рəсімдер жүріп жатқандықтан, қыркүйек айына дейін шатыр жөнделеді деп жоспарлануда.

Энергия нысанының жөндеу жұмысымен танысқан аймақ басшысы Ермағанбет Бөлекпаев қала басшылығы мен ЖЭО-ға жылыту маусымына дайындық үшін əр жауапты тұлғаның дербес жауапкершілігі бар екенін мықтап еске салды.

– Қыс мезгіліне дайындық үшін қалалар мен ЖЭО басшылығы жеке жауап береді. Егер маман жетіспейтін болса, қосымша адам жалдаңыздар. Қажет болса, тəулік бойы жұмыс істеңіздер! Энергияны қадағалау мамандары да күн сайын жұмысты бақылап отыруы керек, – деп атап өтті Ермағанбет Қабдулаұлы.

Сонымен қатар, облыс əкімі Теміртаудағы ЖЭО-2-нің де жай-күйімен танысты. Биыл металлургтер қаласында жылыту маусымы жетінші қазандықсыз өтеді. Оны салу мерзімі кешіктірілуде. Əлі де құрылыс алаңында жұмысшылар жетіспейді, негізгі жабдықты орнату кешігіп жатыр.

Бұл жылу көзіндегі жөндеу жұмыстары туралы облыс əкіміне ЖЭО-2 директоры Сергей Кривов баяндады.

– Қазір үш қазандық агрегатында жөндеу жұмыстары жүргізілуде. №1 қазандықты 1 тамызда пайдалануға беруді жоспарлап отырмыз. №4 қазандықта конденсаторларды бөлшектеу жəне жөндеу жұмыстары жүргізілді. Бесінші қазандықта бу қыздырғыш бөлшектеледі. Екі қазандықты пайдалануға берудің жоспарланған күні – 30 қыркүйек, – деді Сергей Кривов.

Ермағанбет Қабдулаұлының айтуынша, жылыту маусымының қауіпсіз өту міндеттері ортақ жəне əркім оларды өз деңгейінде орындауға жауапты болуы тиіс.

– Теміртауда жылыту маусымы қалай өтетіні осы станцияға байланысты. Жоспардан артта қалып жатқандарыңыз – шындық. ЖЭО директоры мен «АрселорМиттал Теміртау» компаниясы моральдық жəне заңды тұрғыда жауапты. Сіздер теміртаулықтарды тұрақты жылумен қамтамасыз етулеріңіз керек. Бұл – аса маңызды мəселе! – деді Ермағанбет Бөлекпаев.

Жəлел ШАЛҚАР,
Ortalyq.kz

Сообщение Екібастұздың кебін кимес үшін… появились сначала на «ORTALYQ QAZAQSTAN» газеті.