Акцияның негізгі мақсаты – автокөлікті тіркеу, жүргізуші куәліктерін, төлқұжаттар мен жеке куәліктерді беру, көлік құралдарын техникалық тексеруден өткізу, жол қозғалысын ұйымдастыру, әкімшілік құқық бұзушылық айыппұлдарын төлеу, құқық бұзушылықтың алдын алу және қоғамдық тәртіпті сақтау және басқа да өзекті мәселелер бойынша жұртшылықтың сауаттылығын арттыру, орын алған оралымсыздықтарды ретке келтіру.

Іс-шара барысында баспасөз қызметінің қызметкерлері әлеуметтік желілердегі полиция департаментінің ресми парақшаларында тікелей эфир ұйымдастырып, жұртшылыққа онлайн режимде сұрақ қою мүмкіндігін тудырды. Азаматтармен кездесулер аумақтық полиция бөлімдері жергілікті полиция қызметтерінің басшылығы, учаскелік полиция инспекторлары, ювеналдық полиция қызметкерлері, жергілікті атқарушы органдары, пәтер иелері кооперативтері мен төтенше жағдай қызметі, сондай-ақ, бұқаралық ақпарат құралдары өкілдерінің қатысуымен ұйымдастырылды.

Акция барысында жедел желі телефонына қаланың беймәлім тұрғыны қоңырау шалып, Қарағанды қаласы, 12 ықшам ауданы, Сталелитейная көшесінде су құбыры құдығының ашық тұрғанын хабарлаған. Оқиға орнына полиция қызметкерлері жедел жетіп, коммуналдық қызметтерді шақыртып, құбыр қақпағын жапқызды.

Полиция қызметкерлері азаматтарды құқық бұзушылықтарға бейжай қарамауға және бұл туралы полицияға шұғыл хабарлауға шақырады.

• Біздің міндетіміз – полицияның барлық қызметтері халыққа барынша жақын болуын және халықтың өзекті мәселелерін білуін қамтамасыз ету. Сондықтан, көпқабатты тұрғын үйлердің аулаларында азаматтарды қабылдаудың қосымша пункттерін жасақтауды дұрыс деп таптық. Сол арқылы туындаған мәселелерді дереу шешу мүмкіндігі бар, – деді Қарағанды облысы полиция департаменті бастығының бірінші орынбасары, полиция полковнигі Құрманғали Ысмағұлов.

Қарағанды облысының аумақтық ішкі істер органдарының бірінші басшылары барлық пункттерде азаматтарды жеке қабылдау өткізді. Акция барысында «жедел желі» телефондары іске қосулы болды.

Бұдан тысқары, полиция қызметкерлерінің заңсыз әрекеттері бойынша сенім телефондары жұмыс істейтіні белгілі.

Жәлел ШАЛҚАР.

Сообщение «Жолда қабылдау» акциясы – нәтижелі появились сначала на «ORTALYQ QAZAQSTAN» газеті.

– Полиция қызметкерлерінің қырағылығы және жүйелі жүргізілген алдын алу шараларының арқасында өткен жылы қасақана кісі өлтіру 10,7% – ға, қарақшылық 20,9%-ға, тонау 16,4%-ға, бұзақылық 19,4%-ға, бөтен мүлікті ұрлау 12,6% -ға және басқа да бірқатар қылмыстық әрекеттер саны азайды. Облыс бойынша барлық тіркелгенқылмыстың 63%-ын ұрлық фактілері құрайды. Олардың көпшілігі – ұялы телефондарды ұрлау, автокөліктерден жеке заттарды ұрлау, қалта ұрлығы және басқа да кішігірім және орташа ауырлықтағы қылмыстар. 2018 жылы қабылданған ұйымдастыру және практикалық шаралардың арқасында ұрлық саны 12,6% – ға, соның ішінде пәтер ұрлығы 24,1%-ға, ұялы телефон ұрлығы 7,8%-ға және мал ұрлығы 34,4%-ға төмендеді. Осыған байланысты «Көршілер бақылауы» (2018-2019 жж.) алдын алу бағдарламасын жүзеге асыру аясында учаскелік полиция инспекторлары пәтер иелері кооперативі (ПИК) төрағаларымен, үйлер мен кіреберістер бойынша үлкендермен өзара іс-қимыл жасау бойынша жұмыстар жолға қойылды, – деді полиция полковнигі Құрманғали Ысмағұлов.

Оның айтуынша, бүгінгі күні ақпарат және байланыс саласында жасалған қылмыстар санының артуы өзекті болып отыр. 2018 жылы алаяқтық фактілерінің саны 5,0%-ға өсіпті. Статистикаға сәйкес, 2018 жылы тек интернет-алаяқтық фактілері бойынша 386 іс қозғалған. Мұндай қылмыстардың ашылуы «Киви-кошелек» арқылы аударылған сома 100 мың теңгеден аспаса, ақшаның қозғалысын бақылау мүмкін емес.

Айта кету керек, өткен жылы есірткі мен күшті әсер ететін улы заттардың заңсыз айналымына байланысты 479 факт анықталып, 2 тоннаға жуық түрлі есірткі құралдары, оның ішінде 6 кг астам героин тәркіленген.

2018 жылдың қорытындысы бойынша көшелердегі қылмыстық ахуал жақсарып, қылмыстық құқық бұзушылықтар саны 18,3% – ға төмендепті.

Білім беру, денсаулық сақтау органдарымен бірлесе өткізілген «Жасөспірім-Заң-Қауіпсіздік», «Түнгі қаладағы балалар», «Профилактика», «Жасөспірім» және т.б. алдын алу-сауықтыру іс-шаралары нәтижесінде кәмелетке толмағандар жасаған қылмыс саны 6,5%-ға қысқарғаны көз қуантарлық жайт.

Бүгінде облыс жолдарындағы заң бұзушылық жағдайлар да айтарлықтай алаңдаушылық тудырып отырғанын алға тартты. 2018 жылы жол-көлік оқиғаларын тіркеу жалпы 25,5%-ға төмендегеніне қарамастан, Жол көлік оқиғалары кезінде қаза болғандар саны 33,8%-ға өсті, 665 адам түрлі дәрежедегі жарақат алды. Мұнан басқа, жүргізушілер арасында жауапкершілікті арттырып апаттылықты тұрақтандыру үшін бірнеше рет «Қауіпсіз жол», «Автобус» және тағы басқа да рейдтік шаралар өткізіліпті.

Журналистер де өзекті сауалдарын қойып, толыққанды жауап алды. 17 сәуір күні өзінің 2 жасар баласын кепілге алу қылмыстық ісі бойынша облыстық ішкі істер департаменті бастығының баспасөз хатшысы, полиция подполковнигі Жанатай Сембеков қажетті ақпаратты ұсынды.

Жәлел ШАЛҚАР.

Сообщение Қырағылық – тыныштық кепілі появились сначала на «ORTALYQ QAZAQSTAN» газеті.